鹏程娱乐网

今日（01.09）系今个学期嘅第一科考试，亦都系大学四年最后一次靠高英啦，本来都觉得几开心嘎，因为今次嘅考试多左唔少客观题，唔再好似以前咁要写到手软，而且有接近一半嘅内容都系书入面出，哈哈。不过，我似乎开心得太早啦，所谓嘅客观题，唔系想象中有四个选项果种，而系选词填空或者系一大堆选项入面慢慢match。但系咁样已经唔可以算系BT，更加BT嘅都仲有。

先讲题目啦，第一题就系做到令人发癫嘅match，20个唔多认得嘅单词，20个睇好耐都唔知咩意思嘅解释，费尽九牛二虎之力，终于勉强将d横线填满。第二题系出人意料嘅完形填空，原先以为嘅选择题并无出现，而系系一堆单词入边拣单词并且用适当形式填空，哈哈，本来捻住有四个选项，实可以搵到啱果个，睇书果阵就无留意形式，唉，唯有靠唔多可靠嘅记忆做啦。之后嘅paraphrase应该选系成份卷最无难度嘎啦，全部都系比嘅范围入边出，哈哈，真系易过借火。跟住仲有阅读同作文，都无咩好讲啦。

题目BT都可以接受，最令人觉得气愤嘅反而系教务处嘅果个大叔，居然要检查证件，之前大家都无咁嘅习惯，原先以为个大叔up下就算，点知过左无几耐，距居然话无学生证就唔准考试，我地当然无理距啦。之后更BT嘅事发生啦，距竟然要我地翻宿舍拎证件，实在太过分啦。于是乎，大家都好唔情愿咁跑翻去，当然包括我啦，我地仲以5分钟嘅极速翻到课室。哩个时候个大叔又唔睇咯喔。真系激死人啦。都已经系最后一次考试啦，就算我地记得以后都要带证件都无用啦，再讲，考专八之类嘅考试你唔讲我地都会自己带晒身份证学生证去啦，唉，都唔知距捻咩嘅。

总之，今日嘅考试，唉，怎一个BT了得......